Чеська република зазначіла дальшый денный рекорд
00
В Чехії прибыло зо середы на днесь 6402 новых припадів інфікації коронавірусом SARS-CoV-2, што представує найвысшый денный прибыток за послідні три тыждні. Выходить то з інформацій опублікованых днесь на офіціалній інтернетовій сторинкі чеського міністерства здравотницьтва. Веце новоінфікованых (6470) послідній раз прибыло 19-го новембра. До штатістік прибыло 158 смертельных пригод. Цілкове чісло смеретельных пригод на комплікації запричінены захворіням COVID-19 ся так в Чеській републиці од выпукнутя пандемії звышыло на 9226. Чесько в сучасности евідує 60.161 актівных припадів інфікації. (TASR, Pkf)
- Назад / Nazad В Мадярьску за послідній день прибыло 5415 потведженых припадів інфікації вірусом SARS-CoV-2
- Далше / Dalše Голандія выгостила двох російскых діпломатів, означіла їх за шпіонів