Містьскый уряд в Снині є одднесь про верейность запертый. Причінов є нароснутя чісла робітників, котры мали в попередніх днях позітівный резултат антіґенового тесту. Інформовала о тім ведуча одділіня стратеґічного розвитку Еріка Янкайова на інтернетовім сайті міста. Свої пожадавкы можуть жытелі міста выбавити в робочіх днях телефонічно. Справы ставебного уряду будуть в терені проходити і дале, подля доїднаных условій. Як в повязаню зо запертьом уряду інформовала на соціалній сіті пріматорка Снины Даніела Ґаландова, вшыткы робітници уряду абсолвують PCR тестованя. Забезпечіти то має містьскый Шпыталь Снина.

(Медвідь, TASR)