Посланцї містьского заступітельства в Снинї у четверь схвалили приятя нового общо завязуючого наряджіня о додаваню фінанчного приспівку при народжіню дїтины. Од 1.януара 2021 року мать родіч при третїй і далшій дїтинї нарок на 500 евр опроти первістным 166 еврам, по новім будуть фінанчно підпорены і родіче при первородженім і другім потомкови. Місто тым хоче звернути неприязный демоґрафічный розвиток. Подля нового ОЗН мать родіч нарок на 250 евр уж при народжіню першой дїтины, при другім то буде сума 350 евр. Самосправа про тот замір на рік 2021 выдїлить в розрахунку 22.000 евр. (TASR, Шутіова)