По октобровім поклесі ся мобіліта жытельства СР приближує назад ку бежным годнотам. Міністерство здравотництва СР на то упозорнило на соціалній сїтї. Одкликує ся на дата компанії Apple. ,,Є то зла справа, затоже высша мобіліта значіть векшу міру контактів і стріч меджі людми а то значіть скоріше пошырёваня вірусу,“ підкреслив резорт здравотництва. Дата о мобілітї інформують о мірі побыгу, ці уж пішо, автами або верейным транспортом. ,,Шпыталї зажывають великый напор людей з тяжкым ходом захворіня COVID-19 а росне і множество інфікованых здравотників,“ додав резорт. Надале вызывать на дотримованя рекомендацій з мінімалізованём контактів. Зарівно припоминать правило РОР (носіня рушок, дотримованя одступу і дезінфекцію рук).

(TASR, Шутіова)