Папа Франціск нукать безплатны тесты на коронавірус худобным людём і бездомовцїм в Римі в рамках актівіт римокатолицькой церькви ку Світовому дню худобных. Тот припадать на недїлю 15. новембра. У четверь о тім інформовав Ватікан, на котрый ся одкликує тискова аґентура Reuters. Вытєры роблять на клініцї при Намістю святого Петра, котру папа зрядив перед дакілько роками. Єй задачов є додавати основну лїкарьску старостливость бідным людём, з котрых дакотры жыють на уліцї.

(TASR, Шутіова)