Октоброве засіданя Народной рады Совацькой републікы є по договорі на ґремію депутатів перерване до 3-го новембра. В пленумі то выголосив підпредседа парламенту Ґабор Ґрендел, котрый є дочасно повіреный веджіньом парламенту. Засіданя перервали в повязаню з пандемійов. Веце депутатів є в карантені, зато не мусить быти парламент узнесіняспособный. Ґрендел єдночасно пожадав представителів депутатьскых клубів, жебы писмом наголосили тых депутатів, котры на їднаню парламенту не будуть брати участь. Має обсяговати і громадну жадость о оправданя. Кедьже были позітівны по єднім депутатови з партій Sme rodina і Smer-SD, обидва клубы мають быти в карантені. Окрім того має позітівный резултат тесту і веце депутатів од Котлебовців. Шеф клубу депутатів за OĽANO Михал Шіпош інформовав, же позітівны суть і двоми депутаты з їх клубу.

(Медвідь, TASR)