Од зачатку того тыждня є Пряшівскый самосправный край (PSK) приправеный дати уквартильованя про здравотників, рятовників і членів армады, котры прийшли до контакту з позітівні тестованыма  пацєнтами і нехочуть огрозити своїх близькых. Конштатовав то крізовый штаб PSK, котрый вчера засідав на Уряді  PSK. Пресову аґентуру TASR о тім інформувала говоркыня PSK Даша Єленьова. На карантенне уквартельованя край вытіповав по єднім інтернаті в Бардійові, Попраді, Вранові над Топльов і в Свіднику. На вчерайшім засідані  крізовый штаб PSK ся далей заоберав нелем актулнов епідеміолоґічнов сітуаційов у своїх орґанізаціях, але і забезпечіньом охранных робочіх предметів про амбуланції першого контакту і шпеціалістів, котрых є 1750 на території Пряшівского края. Самосправа уж  подля Єленьовой адресовала Міністерству здравотницьтва СР пожадавку о їх доданя, як і скрінінґовых тестів на COVID-19 про нештатных уділёвателів на вытворіня засоб на період 30 днів. (TASR, Pkf)