Председу ĽSNS Маріяна Котлебу самосудкыня Шпеціалізованого карного суду признала за виноватого зо злочіну підпоры і пропаґації ґруп пряменых ку потискованю основных прав і слобод. Судкыня Ружена Сабова го в кавзі контроверзных шеків про бідных одсудила на 4 рокы і 4 місяці арешту. Тоты бы мав одсидіти у вязніці з мінімалным ступньом сторожіня. Вердікт суду не є правоміцный. Мож ся одкликати проти нього на Найвысшім суді Словацькой републікы. Котлеба роздавав контроверзны шекы на суму 1488 евр 14-го марца 2017-го року, значіть в день річніці выголошіня войнового Словацького штату. Чісло 1488 є знаме і хосноване в сімболіці екстремістів. Є споїньом чісел 14, што представлює 14 слов правіцьового терорісты Дейвіда Лейна, і 88, што є скорочіньом націстічного поздраву.

(Медвідь, TASR)