На безодкладне переміря в Нагорнім Карабасі вызвав у понедільок російскый презідент Владимір Путін, котрый о конфлікті їднав з арменьскым презідентом Ніколом Пашінъяном, інформовала аґентура Interfax. Ескалацію конфлікту і ґвалту, котрый допроводить сітуацію, одсудили і міністры загранічных діл Франції, Росії і Споєных штатів. У своїм сполочнім выголошіню звернули увагу, же ґрадуючій конфлікт меджі Арменійов і Азербайджаном о спорну теріторію Нагороного Карабаху представлює „неприятельне огрожіня“ стабіліты реґіону. Шефове діпломацій трьох країн, котры співпредседають Міньскій ґрупі Орґанізації про безпечность і співпрацу в Европі, вызвали конфліктны стороны, жебы выголосили безодкладне і безусловне переміря. Мінська ґрупа выникла в році 1992 і брала участь на самітах арменьскых і азербайджаньскых лідрів, но не подарило ся їй найти тырвале рішіня конфлікту в Нагорнім Карабасі.

(Медвідь, TASR)