На Основній школі Карпатьска у Свіднику ся обявив COVID-19 у педаґоґа. Подля вердікту веджіня школы ся од суботы (26. 9.) перерывать штандартный выховно-освітній процес і навчаня буде почас того тыждня проходити діштанчнов формов. Ку даному поступу дішло на основі рекомандації Реґіоналного уряду верейного здравотництва у Свіднику. Вступ до будовы про школярів, робітників школы, родічів і іншых особ є заказаный. Директор школы Маріан Вітко через інтернетову сторінку  міста вызвав школярів і учітелів, жебы в часі од запертя школы до 4-го октобра 2020 слідовали свій здравотный став і стримовали ся в домашній ізолації. (TASR, Pkf)