Як бы  вольбы до Народной рады СР одбыли ся на тых днях, переміг бы рух OĽANO із прибытком 17 процентами голосів. На другім місці бы скінчила нововзникаюча партія Глас-СД, котру бы волило 16,9 процентів респондентів. Третьов бы была SaS із прибытком 11,9 процентів голосів. До парламенту бы ся достало вєдно сім партій. Выходить то з дослідженя, котре од 14-го do 18-го септембра на взоркі 1007 респондентів зреалізувала аґентура Median SK про RTVS. До парламенту бы ся подля дослідженя іщі достав Смер-СД, котрому бы дало голос  9,1 процентів ословеных, ĽSNS із 8,8 процентами, партія Сме родина  із прибытком 8,7 процентів і Проґрасівне Словенско із 6,6 процентами голосів. (TASR, Pkf)