На голосованя в октобровых крайскых і сенатных вольбах чеська влада дасть волебным містностям 3,2 міліона охранных масок. Інформовав о тім в понедільок премєр Андрей Бабіш, пише портал iDNES.cz. Влада в припаді згіршіня епідеміолоґічной сітуації так само до трьох днів посередництвом пошты доручіть сеніорам респіраторы. Минувшый тыждень премєр авізовав, же владі запропонує, жебы держава майже трьом міліонам сеніорів роздала респіраторы і маскы. Держава має теперь подля Бабіша у своїх складах і обїднаных приблизно 13 міліонів респіраторів FFP2 і 75 міліонів охранных масок.

(Медвідь, TASR)