Презідентка СР Зузана Чапутова очікує, же в кавзі вбивства новинаря Яна Куцяка і його нареченой Мартіны Кушніровой буде вынесеный справодливый вердікт. Презідентка то увела вчера в Rádiu Expres в релації Браньо Завадзкый Нажыво з тым, же є то важне про будованя довїры верейности в юстіцію. Сітуацію вбивства новинаря означіла презідентка за єдну з найвекшых кавз того столітя на Словакії, з котрым суть повязаны великы очікуваня. (TASR, Pkf)