Білоруськы уряды не впустили до країны голову містной Римокатолицькой церькви. Стало ся то по тім, што архієпіскоп Тадеуш Кондрушєвіч крітіковав засягы одосно білоруськых демонштрантів і остерігав перед гражданьсков войнов. Інформовало о тім Радіо Свобода. Кондрушкєвіч є гражданом Білоросії і не впустили го, кедь вертав з Польщі. Архієпіскоп вже дакілько раз од 9-го авґуста, коли зачали протесты, крітіковав безпечностны силы і в посолстві, котре ся 30-го авґуста чітало в білоруськых костелах, написав, же Білоросія є в безпрецедентній соціополітічній крізі.

(Mедвідь, TASR)