Од одвлечіня Міхала Ковача мл., сына презідента Словацькой републикы Міхала Ковача, минуло днесь 25 років. З даного кроку одвлечіня презідентового сына до загранича є підозріле тодышнє веджіня Словеньской інформачной службы і з данов пригодов є повязана і смерть Роберта Реміяша. Одвлечіня ся одбыло в атмосфері конфліктів меджі премєром Владіміром Мечіаром і презідентом Міхалом Ковачом, причім кавза позначіла словацьку політичну сцену на дальше десяторічя. Досліджуваню одвлечіня боронили довгы рокы амнестиї, котры на даный крок выдав в 1998-ім року премєр Мечіар як заступуючій презідент. Мечіаровы амнестиї ся посланцьом Народной рады СР подарило переломити 5-го апріля 2017-го року. (TASR, Pkf)