Міністер внутрїшнїх дїл Роман Мікулец (OĽaNO), презідент Гасічского і захранного збору Павол Мікулашек, крайскый директор ГіЗЗ в Кошыцях Йосиф Федорчак і ґенералный секретарь Добровольной пожарной охраны Венделін Горватг у четверь одовздали десять авт Івеко Дейлы (Iveco Daily) про села в Кошыцькім краю. ,,Інвестіції до технікы про добровольных гасічів суть тов найлїпшов превенціёв перед шкодами, котры можуть міморядны подїї наробити. Свідчіть о тім і факт, же ся підвышила кількость сполочных засягів професіоналных і добровольных гасічів аж о третину. То бы без якостной технікы не ішло,“ повів Мікулец. Новы авта достали села Штос, Кошыцька Бела, Ракош, Тырговіще, Ясов, Рейдова, Праковцї, Шведлар, Добшіна і Борша. На Словакії є веце як 100 – тісяч добровольных гасічів, з того веце як 30- тісяч є приготовленых такой засягнути.

(Шутіова, Korzár)