Італія зазначіла в середу 1367 сітуацій інфікації новым коронавірусом, што є найвысшый денный наріст од зачатку мая. За послідніх 24 годин  вмерло дальшых 13 людей, котрый мали позітівный тест на коронавірус. Інформувала о тім італійска аґентура ANSA. У вівторок уряды евідували 878 новых інфікованых. В Італії выконали за евідованый період 93.529  тестів, што є о скоро 20.000 веце як за попередній день і найвеце од зачатку пандемії. Подля дані америцькой Універзіты Йогна Гопкінса мать Італія цілково 262.540 сітуацій інфікації  новым коронавірусом, причім комплікаціям запричіненых захворіням COVID -19 покы підлегло 35.458 людей. (TASR, Pkf)