В просторах Словацького розгласу в Братіславі одбыло ся вчера реґуларне засіданя Рады Розгласу і телевізії Словеньска, на котре были призваны і представителі народностных меншын. За русиньску меншыну брав участь Петро Медвідь, член Выбору про народностны меншыны і етнічны ґрупы Влады СР. Як про наше радіо русин.ФМ Петро Медвідь повів, єдным з найважнішых пунктів проґраму быв  матеріал о народностнім высыланю в розгласі і телевізії. Представителі русиньской народностной меншыны ся домагали, жебы в рамках радія ся вернула выроба літерарно-драматічных проґрамів а в рамках телевізії продовжовало высыланя Русиньскых маґазінів і в літніх місяцях, як і в децембрі. (Pkf)