Чеське міністерство здравотницьтва в середу выдало наряджіня, котрым од септембра зась заводить повинность носити рушка у внутрїшнїх просторах. Інформовав о тім портал Novinky.cz. Рушка будуть зась повинны у вшыткых обходах, рештавраціях, на урядох, в здравотницькых заряджінах і в школах ці кадерницьтвах. Повинны будуть і у публічнім транспортї. Рушка не будуть мусити носити дїти до двох років і їх выховавателї в школцї ці в дїтьскій ґрупі, штуденты на інтернатох, шоферы публічного транспорту, шпортовцї і люде при выконї шпорту, ці автісты. Наряджіня ся не односить ани на навщівників внутрїшнїх базенів і госпіталізованых паціентів при додаваню здравотных служеб.

(TASR, Шутіова)