Лібанонськый премєр Гассан Діяб в понедільок оголосив демісію цілой влады в дослідку протестів, котры слідовали по минулотыждньовім выбуху в столиці Бейрут. Діяб приписав одповідность за величезну експлозію із 4-го авґуста „скорумпованій“ владнучій еліті, котра в Лібаноні владне понад 30 років. О демісії цілой влады як першый інформовав міністер здравотницьтва Гамад Гасан. Премєр далше повів, же в Лібаноні є корупція „векша як держава“, в дослідку чого вырішыв зробити „корок назад“ і бойовати вєдно з людми за зміну, інформовала аґентура Associated Press.

(Медвідь, TASR)