Америцькый міністер загранічных діл Майк Помпео пришов у віторок до Чеськой републікы, де зачав свою пятьдньову навщіву по країнах середньой Европы. Попмео буде в Чеській републіці два дні, інформовала аґентура AFP. Шеф америцькой діпломації вєдно із своїм чеськым колеґом Томашом Петжічком днесь абсолвує навщівю Пылзні, де оддасть честь америцькым воякам, котры тото місто ослободили в році 1945. В середу має окрім іншого і стрічу з чеськым премєром Андрейом Бабішом а выступить і в чеськім сенаті. Коротку стрічу має мати і з презідентом Мілошом Земаном. В четверь має навщівити Словенію і Австрію. Остатньов заставков буде Польща, де має з тамтешніма властями говорити о переміщіню вояків стягнутых з Німецька.

(Медвідь, TASR)