Світова здравотницька орґанізація (WHO) у четверь упозорнила, же за підвышіня кількости припадів шырїня коронавірусу в многых країнах счасти можуть молоды люде, котры ся не справують достаточно одповідно. Інформовала о тім аґентура AFP. Шеф Світовой здравотницькой орґанізації Тедрос Адганом Ґебрейесус на віртуалній тлачовій конференції в Женеві підчеркнув, же ,, молоды люде ся можуть наказити, молоды люде можуть умерти а молоды люде можуть вірусом наказити другых“. Молоды люде мусять дотримовати єднакы превентівны крокы як вшыткы остатнї, жебы хранили себе і другых, доповнив. Головна одборнічка WHO про коронавірус упозорнила, же наказа ся в многых теріторіях розшырила головно в ночных клубох.

(TASR, Шутіова)