По довшім часі днесь у просторах владного готела Bôrik в  Братіславі засідать Выбор про народностны меншыны і етнічны ґрупы Рады влады Словацькой републікы про людьскы права, народностны меншыны і родову рівность. За русиньску народностну меншыну суть участны Петро Медвідь і Мілан Піліп, членове выбору. Богатый проґрам засіданя творять Пріоріты штатной справы рефлектуючой Проґрамове выголошіня влады СР на рокы 2020-2024, котре ся дотулять прав народностных меншын, роботы народностных музеїв на Словакії, діятельства Фонду на підпору културы народностных меншын, але і приправы Зрахованя жытелів, домів і квартелів 2020. (TASR, Pkf)