В Северній Македонії в понедільок могли на передчасных парламентных вольбах брати участь і люди інфікованы коронавірусом ці особы в домашній карантені – урдяници їм волебны урны принесли прямо домів. Інформовала о тім аґнетура Associated Press. Одштартовали ся так тридньовы парламентны вольбы, котры мали быти 12-го апріля, но одложыли їх з причіны пандемії і выголошеного стану нужды. Скопє моментално евідує 5000 людей в домашній карантені, на вольбы ся їх реґістровало коло 700.  Вязні, пензісты і хворы люди волять днесь, в середу ся одкрыють класічны волебны пункты про остатніх людей. Северну Македонію од януара рядить дочасна влада і країна має розпущеный парламент. Стало ся так по одході премєра Зорана Заєва, котрый абдіковав по тім, што Европска унія не встановила дату приступовых їднань о членстві той балканьской країны в Унії.

(Медвідь, TASR)