Франція і Брітанія підписали в недїлю договор о сполупрацї в бою проти пашеракім, котры нелеґално переважають міґрантів через Ламаншскый перелив. Інформовала о тім аґентура АP. Підписаный договор мать заістити злїпшіня взаємной выміны справодайскых інформацій о фунґованю пашерацькых сїтей. За тым заміром мать быти зрядженый сполочный французско-брітаньскый справодайскый утвар, увів шеф резорту внутрішнїх дїл в Паріжу Жералд Дарманін. Брітаньска міністерка внутрішнїх дїл Пріті Пателова сі од того кроку слюбує обмеджіня прыливу нелеґалных міґрантів, котры мають намагу достати ся до Споєного кралёвства через Ламаншскый перелив. Сучасна уровень такой міґрації є подля нєй ,,неутримательна”.

(TASR, Шутіова)