У віторок 30-го юна за участи амбасадора Польской републікы Krzysztofa Strzałkа, представителів крайской і містьской самосправы, отворили в Пряшові Гонорарный конзулат Польской републікы. Його цільом є зліпшыти господарьску сполупрацу меджі обома країнами. Як про аґентуру TASR повів гонорарный конзул Ян Гудацькый, єдночасно будуть помагати польскым обывателям на теріторії Словакії. Як додав  Гудацькый, хотять розвивати контакты меджі пряшівскым і польскым реґіоном в господарскій области і меджі подникательскыма субєктами. Конзулат мать резіденцію на Главній уліці, а свою роботу зачне од понеділька 6-го юла. Свої службы будуть давати в понеділок і в четверь од  9.00 дo 12.00 год., але його робітници будуть к діспозіції на телефоні і мімо становленого часу. (TASR, Pkf)