Америцькый презідент Доналд Трамп продовжыв аж до кінця року платность заказу выдаваня візів про загранічных робітників в дакотрых ключовых областях господарьства. Інформовала о тім у віторок аґентура DPA. Декрет запровадив 22-го апріля і мав платити лем 60 днів. Тот крок мав у часі пандемії коронавірусу помочі забезпечіти робочі місця про безробітных Америчанів. Трамповым понедільковым наряджіньом ся продовжує і заказ вступу на основі такзваных зеленых карток, котры чуджінцям уможнюють довгодобе перебываня в США. Крітіци америцькой влады беруть обмеджіня як неґатівный крок, котрый може спомалити запроваджіня іновацій, дакотры фабрикы скаржать ся і на недостаток дакотрых катефорій робітників.

(Медвідь, TASR)