Міністер здравотницьтва Марек Крайчі хоче при темі дофінанцованя здравотницьтва почекати на дані зо здравотных поіщовні. Тоты бы мали до 25-го юна вырахувати дефіціт за місяць апріл. Крайчі арґументує тым, же днешні дані не суть сполягливы, то значіть пунктуално незнать, кілько грошей достали здравотны поіщовні в часі крітічного пандемішчного періоду од поістників. Повів то по їднаню тріпартіты, котре ся одбыло  на Міністерстві здравотницьтва СР. (TASR, Pkf)