Брітаньскый премєр Борис Джонсон в понедільок повів, же вірить, же договор з Европсков унійов, котрый дотулять ся побрексітовых бізнісовых односин, є в прінціпі мож досягнути до кінця юла. Інформовала о тім аґентура DPA. Як повів премєр в телевізнім розговорі по відеоконференції з лідрами Унії, не видить причіны, чом бы тому так не мало быти в юлі. Джонсон думать, же Великобрітанія не є так далеко од Бруселу, жебы не мож было досягнути проґресу. Понедільковы розговоры вели окрім Джонсона і предсидателька Европской комісії Урсула фон дер Леєнова а председа Европской рады Шарлс Мішел.

(Медвідь, TASR)