Британія жадать од Европской унії (ЕУ) в рамках о  будучіх односинах по брехіті незодповідаючо много, выголосив посередник ЕУ Міхаел Барніер і вызвав Лондін, абы скоріґовав свої вымаганя. На підписаня договору мають обідві стороны уж лем 4 місяці. Як далі конкретізував, Брітанія хоче в многых областях омного веце як Канада, Японія або многы дальшы обходны партнеры. В многых областях собі хоче утримати выгоды членства в Унії без обмеджіня. Подля Барніера главным проблемом є, же Британія пожадує вольный приступ на торг ЕУ без ціл ці квот, без дотримуваня правил Унії. Хоче собі то значіть выбрати і заховати найатрактівнішы бенефіты сполочного торгу, але без обовязків, котры суть з ними повязаны. (TASR, Pkf)