Европска комісія тот тыждень пошле до Коньжской демокатічной републікы три летадла зо здравотницькым матеріалом. Хоче так підпорити боротьбу проти пандемії коронавірусу в другій найвекшій африцькій країні. Перше летадло одлетіло в понедільок. Три летадла мають до Конґа принести довєдна 40 тон гуманітарьной помочі врахованю заряджінь на чіщіня воды, лікарьскых потреб, лабораторьного выбавліня, масок, рукавиць і охранных средств. Од зачатку мая Унія зорґанізовала вже штири подобны гуманітарьны летадла. Три ішли до Середньоафрицькой републікы, єдно на островну державу Святый Томаш і Прінців остров у Ґвінейскім заливі.

(Медвідь, TASR)