В Польщі нарядили запертя 12-ох бані на угля на три тыждні по тім, што меджі їх робітниками розшырив ся новый тіп коронавірусу. Інформовала о тім в понедільок аґентура Associated Press з одкликаньом ся на оголошіня польского віцепремєра Яцека Сасіна. Ку тому кроку приходить в часі, коли высоке чісло інфікованых зазначіли в угольсных банях в реґіоні Слезії на югу країны, што є моментално в Польщі епіцентер хвороты. Рішіня є платне од віторка, баници будуть почас запертя діставати рядный плат. Польща мала в понедільок 599 новых припадів інфікації, што є найвысше нароснутя од зачатку пандемії, інформовала аґентура PAP з одкликаньом ся на резорт здравотництва.

(Медвідь, TASR)