Дефінітівный вердікт, котрый ся дотулять нудзового ставу прийме централный крізовый штаб на своїм найближшім засіданю, котре бы ся мало одбыти в часі будучого тыждня. Пресову аґентуру TASR о тім інформував пресовый і інформачный одбор Уряду влады СР. Премєр Іґор Матовіч минулый тыждень неприпустив покы ани єдну можность – зрушіня нудзового ставу ани його знову выголошіня. Централный крізовый штаб буде подля одбору о нудзовім ставі їднати на основі одборных правных аналіз. Нудзовый став выголосила влада про штатны шпиталі актуалні 16-го марця 2020-го року. Пізніше го веце разів розшырила о дальшы області і крокы. Нудзовый став мать подля закона о безпечности штату в часі войны, войнового ставу, выняткового ставу і нудзового ставу  тырвати найвецей 90 днів. (TASR, Pkf)