Америцьке войско і в дослїдку коронавірусовой пандемії ускорить стягованя своїх вояків з Афґганістану. В середу о тім інформовала аґентура Reuters. Концём фебруара ся Споєны штаты по договорі з мілітантным гнутём Талібан завязали до половины юла знижити кількость вояків насадженых в тій країнї з приближно 13.000 на 8600 а покы то буде можне, до мая 2021 стягнути цалком вшыткых. Подля двох анонімных здроїв зо середовища америцькой діпломації ся але Америчаном подарить знижыти кількость вояків на 8600 правдоподобно уж зачатком юна. ,,Про страх зо захворіня COVID-19 ся ку планованій кількости доставаме скоріше, як ся очековало, “ повів єден з них.

(TASR, Шутіова)