Рада RTVS одмітать заключіня Выбору Народной рады СР про культуру і медія, котрый в рамках позначок  к господаріню і підозріням на цензуру у высыланю верейнопублічного медіа спринимає абсенцію доброго фунґованя нелем манажменту, але і дозорного орґану RTVS. Председа Іґор Ґалло на днешнім вынятковім їднаню повів, же обвинёваня выбору о неповніню собі законных обовязків без релевантных доказів і вказуваня на можность одкликаваня членів рады чує як застрашованя. Председа Народной рады СР Боріс Коллар у тім звязку пожадав о авдіт в RTVS. (TASR, Pkf)