Карантенны крокы з причины коронавірусовой пандемії знижыли цілосвітову кількость емісій склениковых плінів на найнижшу уровень од 2006-го року. В меджінародній штудії опублікованій  вчера в науковім часописі Nature Climate Change ся пише, же кількость емісій склениковых плінів выпродукованых за день в періоді меджі януарьом і зачатком апріля того року ся понижыло в порівняні зо середніма чіслами в часі згодного періоду в минулім року о 17 процентів і до кінця рока бы ся тото чісло могло понижыти о 4,4 аж 8 процентів. Штудіа ся заміряла на 69 країн, вєдно 50 америцькых штатів і 30 чіньскых провінцій, де жыє 85 процентів світовой популації і продукує 97 процентів ґлобалных емісій охіду углічітого. (TASR, Pkf)