Скляняны выробкы од навызначнїшых ческых і словацькых дізайнерів нукать выстава, котру у четверь сприступнили в Словацькім технічнім музею (СТМ) в Кошыцях. Выставленых 350 предметів є зо збіркы Клары Самуелісовой. ,,Выстава Погляд через скло не є напрямена лем на мапованя дізайну скларскых выробків вытвореных протягом 20. стороча в Чехії і на Словакії, але і на інтересный а у нас іщі не цалком перебаданый феномен зберательства,“ увела кураторка выставы Ева Чарнока. Зберательку фасціновала розмаїтость скла уж в молодости. Днесь мать єй збірка 15 років а приближно 600 фалатків. Про навщівників СТМ платить режім вымедженых пандемічных превентівных кроків на замеджіня пошырёваня захворіня COVID-19.

(TASR, Шутіова)