Село Страняны є невеликым село з чіслом обывателів 190. І кедь фінанцій в селі неє много старостка села Страняны Вєра Кравчакова ся снажыть дальшы гроші здобывати через проєкты. В тім року ідуть наприклад зреалізувати переход через  драгу з дотацій Міністерства внутрішніх справ СР ці реконштрукцію часті драгы ведучой через село з фінанції, котры здобыли з Уряду влады СР. На наш вопрос, што іщі бы хотіли добудучности в селі зреалізувати старостка села Веря Кравчакова повіла, ,,до будучности бы єм была рада, кебы сьме наше шумне село іщі вецей змодернізували  і скрашлили. Главні, кебы ся нам подарило докінчити вшыткы сельскы драгы. Вірю, же і проєкт будованя квартелів в нашім селі буде раз актуаклный, і же ту прийде веце молодых людей з дітьми, бо з тым є повязане і отворіня нашой матерьской школы, котру сьме минулого року мусили заперти. (Pkf)