Ставлянём мая отворили у четверь у свідницькім сканзенї тогорічну сезону. Подїя ся одбыла про епідемію коронавірусу без публікы, лем за участи заместнанцїв Словацького народного музея- Музея україньской културы у Свіднику. ,,Традіція ставляня мая в сканзенї єствує уж 25 років. Є то церемонія, котра патрить ку валалскому жывоту. Наш сканзен є таксамо єдно таке красне компактне село. Ставляня мая было все повязане і з великов културнов подїёв за участи публікы. Тот рік нам коронакріза не доволила, жебы сьме го поставили довєдна з навщівниками. Не могли сьме про них приготовити жаден проґрам, але то не значіть, же тота сітуація, котра є, заставила жывіт в музею. Наспак, музейницї роблять і приготовлюють подїї,“ повів директор музея Ярослав Джоґаник, котрый зарівно вірить, же по скончіню епідемії отворять сканзен а будуть мочі зорґанізовати планованы подїї.

(TASR, Шутіова)