Обчаньска ініціятіва Кто поможе Словеньску вызберала до вчерайшого дня вецей як 836.000 евр. Зо здобытых фінанцій ся подарило забезпечіти наприклад 100.000 хірурґічных і 60.000 шытых рушок, 35.000 респіраторів, 4000 штук охранного облечіня ці  3500 штітів про здравотників, котры в першій лінії боюють з пандемійов нового коронавірусу. Зо сортірованям, пакуваням і дістрібуованям до 320 міст і сел по цілій Словакії помогла без права на гонорар стовка добровольників. Пресову аґентуру о тім інформнувала Міхаела Луковічова з ініціатівы. (TASR, Pkf)