Німецькы лікарї на одділінях про інтензівну старостливість жадають, абы сполкова влада центральні перероздільовала пацєнтів з новым коронавірусом до єднотливых шпиталів. Інфромував о тім  днесь денник Frankfurter Allgemeine Zeitung. Председа союзу про інтензівну і урґентну медиціну DIVI Уве Йанссенс вызвав німецьку владу, абы што найскоріше засновала централный уряд, котрый буде перерозділювати пацєнтів на цілоштатній уровні до менше вытяженых клінік, написали медія ґрупы Funke. Помагати при тім бы мали Інститут Роберта Коха, армада, як і міністерства здравотницьтва і внутра. (TASR, Pkf)