Звекшой части републиканами обсадженый америцькый сенат в ночі по пару дньох інтензівных дебат єдноголосні одобрив історічный найвекшый захранный пакунок про темтешню економіку постигнуту коронавірусовов крізов. Пакунок федералной помочі у вышкі коло двох біліонів доларів дасть середній штирічленній родині вклад 3400 доларів. Скоро 500 міліярд доларів піде у формі дотацій і пожычок меншым фірмам і ключовым промысловым областям. Коло 100 міліярд доларів є призначено шпиталям і іншым здавотницькым інштитуціям на накуп потрібніго заряджіня. (TASR, Pkf)