Нудзовый став, котрый быв од понеділька (16. 3.) у звязку з обявліньом нового коронавірусу выголошеный про штатны шпиталі, діє од днешнього дня i про дальшы субєкты в здравотницьтві. Розшыріня діяня в середу (18.3.) одобрила влада. Подля одобреного рішіня на основі уставного закону о безпечности штату в часі войны, войнового ставу, выняткового ставу і нудзового ставу ся діяня нудзового ставу дотулять вшыткых властників поволіня на превадзкуваня уставной здравотной старостливости, амбулацій захранной здравотной службы і транспортной здравотной службы. Розсяг є розшыреный і на Оператівну централю захранной здравотной службы СР, Уряд общого здравотницьтва СР і його реґіоналны уряды, Уряд про догляд над здравотнов старостливостьов і субєкты, котры з даным урядом мають підписаный договор о забезпечіню реалізації оглядкы мертвых тіл, так само нудзовый став є діючій і про службы повязаны з поховаваням. (TASR, Pkf)