Волебна участь в суботняйшых парламентных вольбах была в Пряшівскім краю на уровні 63 процентів і так само в тій часті Словакії переміг рух OĽaNO, а то з прибытком 25,63 процентів. Выходить то з неофіціалных выслідків, котры опублікував Штатістичный уряд СР по счітаню голосів зо вшыткых волебных одділінь. На другім місці в Пряшівскім краю скінчила партія  Smer-SD, котрій дало свій голос скоро 21 процентів воличів. Наслідує ĽSNS з прибытком 8,5 процентів голосів і рух Сьме родина, котрому довїрювало 8,39 процентів голосів. Пятку найліпшых заперать KDH з прибытком 8,37 процентів голосів і партія бывшого презідента Андрея Кіску За людей, котрій дало свій голос 6,15 процентів голосів воличів. Під границю пять процентів ся достали коаліця Проґресівне Словеньско – Сполу (4,37 процентів), SaS (4,08 процентів), SNS (3,69 процентів), Добра вольба (3,54 процентів) і Власть (3,51 процентів). Звышні партії нездобыли ани єдно проценто воличскых голосів. (TASR, Pkf)