До возового парку Транспортного поднику міста Пряшів (DPMP)  прибыде шість кылбовых 18-метровых тролейбусів з додаточным погоном і штирї штандардны 12-метровы тролейбусы. Купить їх за вецей як 5,1 міліонів евр без ДПГ. Як про пресову аґентуру TASR повів діректор DPMP Мартін Яш, „Договор о ненавратнім фінанчнім вкладі з міністерством транспорту быв підписаный мінулый тыждень. Іде о схоснованя опції в рамках Операчного проґраму Інтеґрована інфраштруктура. Предпокладаме, же до кінця рока наш доправный подник достане десять тролейбусів.“ Радниця хоче в модернізації возового парку DPMP продовжувати. Такым способом в другій фазі модернізації бы хотіла купити дальшых шість низькоподлажных автобусів і пять низькоподлажных електробусів. (TASR, Pkf)