Вєдно 188 міґрантів было захраненых при берегах южной Іспанії по тім, як рятовници вчера вечур нашли послідню з троїці шыф, на котрій ся утеченці плавили через Стредоземне море з цільом достати ся до Іспанії. Інформувала о тім аґентура DPA. Іспаньскы наморници уж в понеділок вечур обявили два човны з 119 пасажирами, котрых перевезли на беспечне місце до приставу. Там ся о них постарали робітници Червеного хреста. Меджі захраненыма міґрантами походжаючіх із субсагарской Африкы было 40 жен і десать дітей. Вшыткы суть в добрім здравотнім ставі.  (TASR, Pkf)