Опозічны лідры бы мали  найближше діскутовати о проґрамі на день выроча, 21-го фебруара, вбивства  новинаря Яна Куцяка і його партнеркы Мартіны Кушніровой. На працовну стрічу їх позвав лідер SaS Ріхард Сулик, протоже партія мать на тот день резервовану площадку.  Коаліція PS-Spolu на стрічі небуде брати участь. Председа Spolu Мірослав Беблавый про пресову аґентуру TASR повів, же нехочуть, абы подію злоужыли політичны партії. Як про TASR Сулик повів, „Будеме мати працовну стрічу в Лібералнім домі і позвав єм вшыткы партії, і Іґора Матовіча. Непозвав єм Боріса Колара, бо собі то нежелать. Нехотів быти позваный на стрічу, де будеме рішыти працовный проґрам 21-го фебруара на площадках крайскых міст.“ SaS хоче за словами Суліка приспіти к упоминаючій споминці  і хоче, абы опозиція выступила вєдно. (TASR, Pkf)