Турецькы вояцї в Сірії у четверь не пришли на сполочну глядкову місію з російсков армадов. Інформовала о тім аґентура TASS. Місію робила сама російска воєньска поліція. Туркы притім на сполочній глядцї хыбовали тот тыждень уж другый раз. Одношіня меджі Росіёв і Турціёв ся протягом проходячіх тыжднїв згоршыли в дослїдку офензівы сірской влады підпорованой Росіёв, котра ся зачала в половинї януара а выволала остру крітіку з боку турецького презідента Рецепа Таїпа Ердоґана.

(Шутіова, TASR)