Французькый презідент Еммануел Макрон запропоновав у понедільок стрічу найвысшых представителів Ваймарьского трикутника, неформалного зґрупованя Франції, Німецька і Польщі. Саміт бы подля його слов міг проходити в найблизшых місяцях. Презідент Франції то выголосив на зачатку свойой дводньовой навщівы Польщі з тым, же має замір проглубити співпрацу і пропонує саміт, котрый уможнить стрічу і з німецьков канцеларьков. Макрон надіять ся подля пресаґентуры DPA, же його навщіва Польщі буде зломовым пунктом про роль, котру можуть довєдна зограти у Европі. Польскый презідент Анджей Дуда так само выразив надію, же Макронова навщіва буде значіти перелом в білатералных односинах меджі Варшавов і Паріжом а підкреслив, же іде о Макронову першу загранічну путь в постбрексітовій реаліті.

(Медвідь, TASR)