З цільом зєдночіня і зраціоналізуваня служб про обывателів міста зачав Містьскый уряд (MsÚ) Снина з пару орґанізачныма змінами. Самосправа собі обіцює і зеефективніня фунґованя цaлого уряду. Інформувала о тім на своїм інтернетовім сайті. Од понеділька фунґують на сниньскім містьскім уряді дві новы одділіня. Єдно мать за задачу давати службы про жытелів, друге забезпечіти інтерны службы MsÚ. Одділіня старостливости о жытелів, котре вычеряло зрушене одділіня соціалных справ і родины, мать давати комплехны службы про вшыткы ґрупы обывателів. Окрім староновых служб, котрыма суть теренна соціална служба і низькопрагова соціална служба про дітей і родину, буде напомічна і новыма службами як є старостливість  о гендікепованых обывателів і реалізація опатрінь серебряной економікы.  В рамках раціоналізації фунґованя уряду дошло і к змінам в розділіню дальшой аґенды уряду, як і зєдночіню аґенды повязаной з комплехнов справов негнутелности міста на одділіню справы маєтку і служб. Покы тоты задачі забезпечували дві одділіня в рамках MsÚ. (TASR, Pkf)